KİV: Ceyms Devid Vens Respublikaçılar Partiyasının əsas prezident namizədidir
ABŞ-da keçirilən Mühafizəkar Siyasi Fəaliyyət Konfransında (CPAC) aparılan sorğunun nəticələrinə görə, Vitse-prezident Ceyms Devid Vens 2028-ci il prezident seçkiləri üçün Respublikaçılar Partiyasının ən güclü favoriti hesab olunur.
Bu barədə crossmedia.az xarici KİV-ə istinadən xəbər verir. Texas ştatının Qreypvayn şəhərində baş tutan builki konfransda iştirakçıların 53 faizi növbəti prezident namizədi kimi məhz Vensə səs verib. Siyahıda ikinci pillədə 35 faiz səslə Dövlət katibi Marko Rubio qərarlaşıb ki, bu da onun partiya daxilindəki nüfuzunun əhəmiyyətli dərəcədə artdığını göstərir. Analitiklər qeyd edirlər ki, Donald Trampın ikinci müddətindən sonra Vens "MAGA" hərəkatının təbii varisi kimi görülsə də, Rubio ilə olan rəqabət və Yaxın Şərqdəki hərbi gərginliyə fərqli yanaşmalar partiya daxilində yeni güc balanslarını formalaşdırır. Vens özü isə namizədliyi ilə bağlı yekun qərarı bu ilin noyabrında keçiriləcək aralıq seçkilərindən sonra verəcəyini bildirib.
23:50 29.03.2026
Oxunuş sayı: 3051
