Finlandiya sərhədində dron həyəcanı: Hava məkanının pozulduğu ehtimal edilir
Finlandiya hakimiyyəti ölkənin hava məkanının pilotsuz uçuş aparatları tərəfindən mümkün pozulması faktı ilə bağlı araşdırmalara başlayıb.
Bu barədə crossmedia.az xarici KİV-ə istinadən xəbər verir.
Reuters agentliyinin yaydığı məlumata görə, səhər saatlarında dəniz akvatoriyası və ölkənin cənub-şərq hissəsi üzərində alçaq hündürlükdə uçan bir neçə kiçik ölçülü obyekt qeydə alınıb. Hadisə zamanı iki dronun Kouvola şəhəri yaxınlığında yerə düşdüyü bildirilir. Finlandiya Hərbi Hava Qüvvələri dərhal hərəkətə keçərək "F-18 Hornet" qırıcıları vasitəsilə obyektlərin identifikasiyasını həyata keçirib. Hazırda dronların mənşəyi və hansı məqsədlə ərazidə olduqları rəsmən açıqlanmasa da, insidentlə bağlı təhqiqat davam etdirilir. Bu hadisə bölgədə təhlükəsizlik tədbirlərinin gücləndirildiyi bir vaxtda xüsusi diqqət çəkib.
22:32 29.03.2026
Oxunuş sayı: 44
