Türkiyə ABŞ, İraq və kürd qüvvələrinə xəbərdarlıq edib
Türkiyə kürd silahlı qruplaşmalarının İrana qarşı mümkün əməliyyatlarda iştirak edəcəyi halda hərbi tədbirlər görəcəyini açıqlayıb. Bu barədə Türkiye Gazetesi öz mənbələrinə istinadən məlumat yayıb.
Crossmedia.az xəbər verir ki, rəsmi Ankara bu mövqeni ABŞ, İraq və regionda fəaliyyət göstərən kürd silahlı birləşmələrinə çatdırıb.
Xəbərdə bildirilir ki, Türkiyə kürd qruplaşmalarının İrana qarşı hərbi əməliyyatlara cəlb olunmasını regionda təhlükəsizlik balansına təhdid kimi qiymətləndirir və belə bir ssenari baş verərsə, birbaşa müdaxilə variantını istisna etmir.
Məsələ ilə bağlı rəsmi qurumların əlavə açıqlamaları gözlənilir.
21:35 29.03.2026
Oxunuş sayı: 43
