Qasım Süleymaninin qızı Körfəz ölkələrinə xəbərdarlıq edib
İranın yüksək rütbəli hərbi komandiri, ABŞ tərəfindən öldürülmüş general Qasım Süleymani-nin qızı Zeynəb Süleymani Səudiyyə Ərəbistanı və BƏƏ rəhbərliyinə sərt mesaj ünvanlayıb.
Crossmedia.az xarici KİV-ə istinadən xəbər verir.
Zeynəb Süleymani sosial şəbəkədə paylaşdığı videodan sonra bildirib ki, bəzi Fars körfəzi ölkələrinin, o cümlədən Səudiyyə Ərəbistanı və BƏƏ-nin ABŞ və “sionist qüvvələrin” təzyiqlərini pərdəarxası şəkildə dəstəklədiyi iddia olunur.
O qeyd edib ki, “müqavimət oxu”na daxil olan qüvvələr “Hacı Qasım məktəbinin davamçıları” kimi bu addımlara qarşı planlar hazırlayıb və “xainlərə” qarşı tədbirlərin görüləcəyini vurğulayıb.
Paylaşılan videoda isə sərt ifadələr yer alıb. Bildirilib ki, istər ABŞ, istər Səudiyyə Ərəbistanı, istərsə də digər tərəflər hansısa addım atmaq istəsələr belə, buna nail ola bilməyəcəklər və bu, “ilahi iradə” ilə əlaqələndirilib.
Məsələ ilə bağlı adı çəkilən ölkələr tərəfindən hələlik rəsmi açıqlama verilməyib.
21:00 29.03.2026
Oxunuş sayı: 51
