Ərik və qara gavalının xərçəng hüceyrələrinə təsiri: Laboratoriya araşdırmaları nə deyir?
Elm dünyasında meyvələrin sağlamlığa faydaları ilə bağlı aparılan tədqiqatlar ərik və qara gavalının xərçəng hüceyrələrinin inkişafını ləngidə biləcəyinə dair yeni ipucuları ortaya qoyub.
Bu barədə crossmedia.az xarici KİV-ə istinadən xəbər verir.
Alimlər müəyyən ediblər ki, bu meyvələrin tərkibindəki polifenollar və antioksidantlar orqanizmdə oksidləşdirici stressi azaldır, iltihab proseslərini yatırır və bəzi xərçəng hüceyrələrinin artmasına mane olur. Lakin mütəxəssislər xəbərdarlıq edirlər ki, bu nəticələr hələlik yalnız laboratoriya şəraitində aparılan eksperimentlərə söykənir və insanlar üzərində tam sübut olunmuş bir effekt deyil. Hazırda əldə olunan məlumatlar ilkin xarakter daşıdığı üçün erik və ya qara gavalını xərçəngə qarşı birbaşa müalicə vasitəsi kimi təqdim etmək hələlik mümkün deyil. Buna baxmayaraq, bu meyvələrin zəngin tərkibi gələcəkdə onkoloqlar üçün yeni profilaktik metodların hazırlanmasında mühüm rol oynaya bilər.
22:19 29.03.2026
Oxunuş sayı: 42
