Xarici xəbərlər

Kolumbiya İsrail dronlarını Bayraktarlarla əvəz edə bilər

Kolumbiya Hərbi Hava Qüvvələri İsrail istehsalı pilotsuz uçuş aparatlarını Türkiyə modelləri ilə əvəz etməyi nəzərdən keçirir.

Crossmedia.az bu barədə Ekvadorun "El Comercio" qəzeti məlumat yayıb.

Kolumbiya Hərbi Hava Qüvvələrinin hazırda istifadə etdiyi altı ədəd Hermes 450 və iki ədəd Hermes 900 pilotsuz təyyarəsinin Bayraktar TB2 və Bayraktar TB3 ilə əvəzlənməsi planlaşdırılır.

İsrail istehsalı pilotsuz aparatları əsasən kəşfiyyat və müşahidə məqsədilə istifadə olunur. Türkiyə istehsalı olan Bayraktar modelləri isə daha geniş silah inteqrasiyası və zərbə imkanları ilə fərqlənir.

Məlumata əsasən, Bayraktar TB2 son inteqrasiyalar sayəsində kəşfiyyat və müşahidə missiyalarında da üstün imkanlar təqdim edə bilər. Bu modelə ASELFLIR 500 elektro-optik sistemi və Osprey 30 AESA Radar radarı inteqrasiya olunub.

Digər tərəfdən, Bayraktar TB3 qısa məsafədən qalxma və enmə (STOL) imkanına malikdir və bu xüsusiyyət TCG Anadolu (L400) gəmisində keçirilən nümayişlər zamanı təsdiqlənib.

Qeyd olunur ki, bu xüsusiyyətlər Kolumbiyanın pilotsuz aviasiya imkanlarını əhəmiyyətli dərəcədə genişləndirə bilər.

🖨 Çap et

15:00 11.03.2026

Oxunuş sayı: 190