Xüsusi təyinatlılarımız Türkiyədə MƏZUN OLDULAR
Türkiyənin Çankırı şəhərində Şəhid Seyit Saraç adına Xüsusi Təyinatlı Polisi Təlim Mərkəzində 29-u Azərbaycan Daxili İşlər Nazirliyinin əməkdaşı olmaqla ümumilikdə 223 kursantın andiçmə mərasimi keçirilib.
Crossmedia.az xəbər verir ki, Orhan Saka İdman Salonunda keçirilən 65-ci Dövr Əsas Xüsusi Əməliyyat Sertifikatı Mərasimi Türkiyə İstiqlal Marçı və Azərbaycan Himninin səsləndirilməsi ilə başlayıb.
Mərasimdə çıxış edən polis rəisi Mahmud Dəmirtaş çətin bir təlim prosesini başa vuran kursantları təbrik edərək, “Türkiyənin sülhü üçün gecə-gündüz çalışacaqsınız. İnanıram ki, qanunun aliliyi və millətimizin etimadı ilə üzərinizə düşən vəzifəni layiqincə yerinə yetirəcəksiniz.
Xüsusi Əməliyyatlar Baş İdarəsinin rəisi Süleyman Karadeniz Türkiyənin xüsusi təyinatlı bölməsinin dünyada bənzəri olmayan bir güc olduğunu vurğulayarkən, Mərkəz müdiri Arif Özdemir kursantların 22 həftəlik çətin təlim prosesini uğurla başa vurduqlarını bildirdi.
Proqramda protokol üzvləri tərəfindən kursantlara sertifikatlar və örtüklər verildi. Mərasimə Çankırı valisi Mustafa Fırat Taşolar, bələdiyyə sədri İsmayıl Hakkı Esen və Azərbaycan səfirliyinin müşaviri Elhan Zeynalov kimi adlar qatılıb.
Gültac Mehdizadə
17:33 07.12.2024
Oxunuş sayı: 17397
