İdarələrdə YENİ QAYDA: Ata və övlad eyni işdə işləyə bilməz
Azərbaycan Xəzər Dəniz Gəmiçiliyi Qapalı Səhmdar Cəmiyyətində (ASCO) yeni qərar qəbul edilib.
Bundan sonra eyni müəssisədə yaxın qohumluq əlaqəsi olan iki nəfər işləyə bilməyəcək. Qohumlardan birinin işdən çıxması tələb olunacaq.
Qərar korporativ idarəetməni gücləndirmək və maraqların toqquşmasının qarşısını almaq məqsədi daşıyır.
ASCO rəhbərliyi bildirir ki, bütün əmək münasibətləri qanunvericilik və şirkətin daxili qaydalarına uyğun şəkildə tənzimlənəcək.
Mövzu ilə bağlı Crossmedia.az-a danışan iqtisadçı Xalid Kərimli bu qərarı alqışlayıb:
"Yaxın qohumların bir-biri ilə işləməməsi qərarı normal bir qərardır. Ümumiyyətlə, qanunvericilikdə də vardır ki, dövlət idarəsində rəhbərin tabeçiliyində yaxın qohumu çalışa bilməz. Bu məsələ həm də ən yaxşı nümunələrə əsaslanır. Qanunvericilikdən əlavə, gündəlik həyatda da belə hallar olur. Məsələn, ata olan işdə övlad işləməsinə. İdarəetmədə şəffaflığın artması üçün çox gözəl qərardır".
X.Kərimli əlavə edub ki, bu addımın iqtisadi nəticələri də müsbət olacaq.
Fatimə Məmmədova
14:43 09.03.2026
Oxunuş sayı: 62
