Britaniya Baş naziri ABŞ seçkilərindən sonra dünyaya çağırış edib
Böyük Britaniyanın Baş naziri Endi Börnem ABŞ-də keçirilən aralıq seçkilərin nəticələrinin seçicilər üçün əsas prioritetin yaşayış xərclərinin azaldılması olduğunu göstərdiyini bildirib.
Crossmedia.az xəbər verir ki, “Sky News” bu barədə məlumat yayıb.
Baş nazir Millətlər Birliyinin sammiti çərçivəsində jurnalistlərə açıqlamasında ABŞ seçkilərinin nəticələrinin beynəlxalq ictimaiyyət üçün yeni imkanlar yaratdığını qeyd edib.
“Seçiciləri ilk növbədə yaşayış xərcləri narahat edir. Donald Tramp seçkilərin nəticələrini qəbul edib və düşünürəm ki, indi bütün dünya hamımıza təsir edən bu problemin həlli üçün birləşə bilər”, – deyə Börnem bildirib.
O, vəzifəyə gəldikdən sonra yaşayış xərclərinin azaldılması istiqamətində müəyyən addımlar atıldığını, lakin beynəlxalq münaqişələrin bu səylərə mane olduğunu vurğulayıb.
“Baş nazir vəzifəsinə başladıqdan sonra müəyyən tədbirlər görmüşük. Lakin Yaxın Şərqdəki münaqişə və Rusiyanın Ukraynaya qarşı başlatdığı müharibə başa çatmadan əhalinin yaşayış xərclərini azalda bilməyəcəyəm”, – deyə o qeyd edib.
Börnem beynəlxalq əməkdaşlığın gücləndirilməsinə və münaqişələrin diplomatik yollarla həllinə çağırıb. O, həmçinin Yaxın Şərqdə gərginliyin azaldılmasına və Hörmüz boğazının yenidən tam açılmasına çalışacağını bildirib.
10:23 05.11.2026
Oxunuş sayı: 61
