Rusiya XİN başçısından sərt mesaj: ərəb ölkələrinin mövqeyi tənqid edildi
Rusiyanın xarici işlər naziri Sergey Lavrov ərəb ölkələrini Yaxın Şərqdə baş verən hadisələrə münasibətdə ikili standart tətbiq etməkdə ittiham edib.
Crossmedia.az bu barədə xarici mediaya istinadən xəbər verir.
Nazir bildirib ki, bir sıra ərəb dövlətləri əvvəlcədən münaqişənin hərbi müstəvidə inkişaf etməməli olduğunu və hava məkanlarının hərbi əməliyyatlar üçün istifadə edilməsinə icazə verməyəcəklərini bəyan etmişdilər. Lakin onun sözlərinə görə, hadisələr başladıqdan sonra ABŞ və İsrailin addımlarına qarşı kifayət qədər sərt mövqe nümayiş etdirilməyib.
Lavrov çıxışı zamanı xüsusilə belə bir sual səsləndirib: “İranda 170 məktəbli qızın bombalanmasını qınadınızmı?”
Rusiya XİN rəhbəri həmçinin bəzi ərəb ölkələrinin BMT Təhlükəsizlik Şurasına İranla bağlı təqdim etməyi planlaşdırdıqları qətnamə layihəsini də tənqid edib. Onun sözlərinə görə, həmin sənəddə yalnız İranın hücumları qınanır, lakin ABŞ və İsrailin hərəkətləri barədə heç bir qeyd yer almır.
10:14 09.03.2026
Oxunuş sayı: 46
