“Ər-arvad” yoxsa “həyat yoldaşı”?
Artıq “ər-arvad” ifadəsi cəmiyyətdə daha az istifadə olunur. Buna görə də “ər-arvad” yerinə, “həyat yoldaşı” ifadəsinin işlənilməsi seçilir.
Mövzu ilə bağlı Crossmedia.az-a açıqlama verən sosial-psixoloq Rövşən Cavadov bildirib ki, günümüzdə bu ifadə cəmiyyət tərəfindən xoş qarşılanmayıb:
"İki gənc nigaha daxil olarkən “həyat yoldaşı” deyil, “ər-arvad” elan edilirlər. Onilliklər ərzində “ər-arvad” ifadəsi kobud qarşılanmayıb. İndi isə bu ifadə cəmiyyətdə bu ifadəyə yanaşma dəyişib. “Ər-arvad” sözündə hər iki tərəfin funksiyaları daha aydın ifadə olunur. “Həyat yoldaşı” birləşməsi isə bu qədər aydın deyil. Doğrudur, bəzi situasiyalarda “Bu mənim arvadımdır” cümləsi kobud səslənə bilər. Bu zaman “Həyat yoldaşımdır” demək daha məqbuldur. Bu birləşmənin istifadəsini heç kim qadağan etmir. Ümumilikdə, “ər-arvad” həm məzmun, həm də mahiyyət etibarı ilə daha dolğun və informativdir”.
Gültac Mehdizadə
16:20 06.12.2024
Oxunuş sayı: 5282
