Sahibkarlar üçün şad xəbər, işləri asanlaşır
Azərbaycanda sahibkarlığın inkişafı və ixrac–idxal proseslərinin sürətləndirilməsi istiqamətində növbəti mühüm addım atılıb. Xarici dövlətlərdə verilmiş uyğunluq sənədlərinin ölkə daxilində tanınmasına imkan verən yeni mexanizmin hazırlanması, texniki tənzimləmə və istehlak bazarına nəzarət sahəsində beynəlxalq inteqrasiyanın gücləndirilməsinə xidmət edir. Bu təşəbbüs təkcə ticarət dövriyyəsinin operativliyini artırmaqla kifayətlənmir, eyni zamanda sahibkarlar üçün əlavə inzibati maneələrin aradan qaldırılmasına, sərhəd-keçid proseslərinin sadələşdirilməsinə və rəqabət mühitinin daha da sağlamlaşdırılmasına yönəlmiş sistemli islahatların tərkib hissəsi kimi dəyərləndirilir.
Məsələ ilə bağlı iqtisadçı-ekspert Pərviz Heydərov Crossmedia.az-la öz fikirlərini bölüşüb: "Yerli bazarda xüsusən məhsul dövriyyəsini asanlaşdırmaq məqsədi daşıyır. Yəni, beynəlxalq standartlara uyğunluğu təmin etmək üçündür. Azərbaycan bazarı yerli bazar kimi, dünya bazarı dairəsində də fərq edəcək. Məhsul dövriyyəsi qloballaşma səbəbi ilə qurulmuşdur ki, bütün sahələr bir-biri ilə qarşılıqlı əlaqə şəklində fəaliyyət göstərsin. Hesab edirəm ki, bu, bir çox ölkədə məhsul dövriyyəsini xeyli asanlaşdıracaq. Bu isə gözəl fərqliliyin əlavə qlobal dəstək əldə etməsi üçün müvafiq zəmin yaradacaq".
Elmir Heydərli
13:02 19.02.2026
Oxunuş sayı: 574
