Şimkənddə 20 Yanvar faciəsinin qurbanları anılıb
Qazaxıstanın Şimkənd şəhərində fəaliyyət göstərən “Azərbaycan Mədəniyyət Mərkəzi” İctimai Birliyinin nəzdindəki həftəsonu məktəbində 20 Yanvar – Ümumxalq Hüzn Gününə həsr olunan dərs keçirilib.
Crossmedia.az xəbər verir ki, bu barədə Diasporla İş üzrə Dövlət Komitəsi məlumat yayıb.
Tədbirdə sovet qoşunlarının dinc əhaliyə qarşı törətdikləri qanlı hadisələrin tarixi-siyasi mahiyyəti şagirdlərə ətraflı izah edilib.
Dərs zamanı 20 Yanvar faciəsinin Azərbaycan xalqının azadlıq mübarizəsində mühüm dönüş nöqtəsi olduğu vurğulanıb, şəhidlərin xatirəsi dərin ehtiramla yad edilib. Bu faciənin xalqımızın milli iradəsini sarsıtmadığı, müstəqillik yolunda mübarizə əzmini daha da gücləndirdiyi diqqətə çatdırılıb.
14:37 27.01.2026
Oxunuş sayı: 326
