"Soyuq əllər, isti ürək" yarmarkasına hazırlıq başlayıb
Bakıda Yeni ilin gəlişinin xəbərçilərindən biri olan "Soyuq əllər, isti ürək" xeyriyyə yarmarkası keçiriləcək.
Crossmedia.az xəbər verir ki, artıq Fəvvarələr meydanında yarmarkaya hazırlıq işləri başlanıb.
Yarmarka 15 dekabr 2024-ci il tarixindən 15 yanvar 2025-cü il tarixinədək baş tutacaq.
Xatırladaq ki, "Soyuq əllər, isti ürək" xeyriyyə yarmarkasının təşkilatçısı "Nargis" Fondudur.
Fond 2012-ci ildə "Nargis" jurnalının baş redaktoru Ülviyyə Mahmud tərəfindən təsis edilib. 2013-cü ildən etibarən fond tərəfindən hər il Yeni il bayramı ərəfəsində "Soyuq əllər, isti ürək" xeyriyyə yarmarkası təşkil olunur.
09:16 02.12.2024
Oxunuş sayı: 7990
