Marneulidə 20 Yanvar faciəsinin 36-cı ildönümü anılıb
Gürcüstanın Marneuli rayonunda fəaliyyət göstərən Gürcüstan Azərbaycanlılarının İnteqrasiya Mərkəzində (GAİM) 20 Yanvar faciəsinin 36-cı ildönümü münasibətilə anım tədbiri təşkil olunub.
Crossmedia.az xəbər verir ki, bu barədə Diasporla İş üzrə Dövlət Komitəsi məlumat yayıb.
Əvvəlcə şəhidlərimizin əziz xatirəsi bir dəqiqəlik sükutla yad edilib.
Mərkəzin icraçı direktoru Murad Muradov 20 Yanvar şəhidlərinin qəhrəmanlığından, bu faciənin xalqımızın milli şüurunun formalaşmasında oynadığı mühüm roldan bəhs edib. O, xüsusilə gənc nəslin tarixi həqiqətləri dərindən öyrənməsinin və milli yaddaşın qorunmasının vacibliyini vurğulayıb.
Daha sonra GAİM-in ingilis dili qrupunun şagirdləri 20 Yanvar faciəsi haqqında ingilis dilində təqdimatlarla çıxış ediblər.
Tədbir gənclərdə vətənpərvərlik ruhunun gücləndirilməsi, milli yaddaşın qorunması və şəhidlərimizin xatirəsinə hörmətin aşılanması baxımından xüsusi əhəmiyyət kəsb edib.
15:21 23.01.2026
Oxunuş sayı: 385
