Elm və təhsil

Məktəblilərin NƏZƏRİNƏ: İmtahan tarixi açıqlandı

Əvvəlki illərdə ümumi təhsil müəssisələrini ümumi orta (IX) və tam orta (XI) təhsil səviyyələri üzrə başa vura bilməyən şəxslər üçün eksternat qaydada keçiriləcək imtahanlara sənəd qəbulu artıq yekunlaşıb.

Crossmedia.az xəbər verir ki, bu barədə Məktəbəqədər və Ümumi Təhsil üzrə Dövlət Agentliyi xəbər yayıb.

Bildirilib ki, bu il 6 mindən çox şəxs imtahanda iştirak etmək üçün müraciət edib.

İmtahan yanvarın 31-i saat 11:00-da təşkil olunacaq.

Qeyd edək ki, sərbəst (eksternat) təhsilalma formasının tətbiqi müxtəlif səbəblərdən ümumi orta və ya tam orta təhsil səviyyəsini başa vura bilməmiş şəxslərə bu səviyyələr üzrə buraxılış imtahanı verib müvafiq təhsil sənədi almaq üçün şərait yaratmaq məqsədi daşıyır.

🖨 Çap et

12:30 16.01.2026

Oxunuş sayı: 1200