Ümumdünya Səhiyyə Təşkilatına terrorçu başçılıq edir - ŞOK AÇIQLAMA
Tramp Ümumdünya Səhiyyə Təşkilatının illik büdcəsinin dörddə birini kəsməklə hədələyir. ABŞ-nin yeni seçilmiş prezidenti Donald Tramp ölkənin təşkilatdan çıxması ilə bağlı təhdidlərini həyata keçirsə, ÜST ən böyük donorunu və yüz milyonlarla dollar itirmə riski ilə üzləşəcək.
Məsələ ilə bağlı sosioloq Elçin Bayramlı Crossmedia.az saytına şərhində bildirib ki, bu addım qlobal səhiyyə sisteminə heç bir zərər vura bilməz:
" Yalnız qlobalistlərin planlarına zərər vura bilər. Çünki Ümumdünya Səhiyyə Təşkilatının dünyada apardığı biabırçı işlər hamıya məlumdur. Çox sayda korrupsiya faktları, qlobal saxtakarlıq faktları ortaya çıxıb. Bir təşkilatın ki başında keçmiş terrorçu dayana və bir çox özəl şirkətlərlə, dərman firmaları, vaksin firmaları ilə gizli əməkdaşlıqları ola və dünyada öz qlobalistlərinin hegemonluğunu təmin etmək üçün ölkələri nələrəsə məcbur etmək planları ola, bu, artıq dünya ölkələrinin ümumi təşkilatı deyil. Bu təşkilatın maliyyəçilərinə, sponsorlarına baxanda aydın şəkildə görünür ki, hansı qüvvələrə tabedir və hansı əməliyyatları aparır. Covid pandemiyasında da biz bu təşkilatın biabırçı mövqeyini, açıqlamalarını gördük, əvvəl dediyini bir müddət sonra təkzib etdi. Yalançı, qorxuducu informasiyalarla bəşəriyyəti qorxudub virusun təhlükəsini olduğundan 100 dəfə artıq göstərməyə çalışdı. Bunun kimi müxtəlif problemlər yaranıb. Ümumiyyətlə hər bir ölkənin öz səhiyyə sistemi var. Hər bir ölkə öz büdcəsi ilə səhiyyə sistemini təmin edə bilir. Ümümdünya Səhiyyə Təşkilatı isə ölkələrə heç bir fayda vermir. Guya araşdırmalar aparılır, dünya əhalisinin sağlamlığı üçün qlobal, tibbi tədbirlər görülür, ölkələri nəyəsə qol çəkdirməyə, konvensiyalara əməl etməyə çağırırlar. Qlobal pandemiya dövründə ölkələrdə elə bir qərar və ya konvensiya qəbul etdirirlər ki, məcburi xarakter daşıyır, üstün qərarları var. Bu, ölkələrin müstəqilliyinin, sərbəst tibb siyasətinin qarşısını almaq və qlobal bir sistemə tabe etdirməkdir. Hansı ki, covid pandemiyası dövründə pandemiya elementləri, əsaslar olmaya-olmaya qlobal pandemiya elan olunurdu. Halbuki qanuni şərtlərlə belə bir həddə gəlməmişdi".
Həmçinin sosioloq qeyd edib ki, bu təşkilat vasitəsilə istənilən vaxt hər hansı bir epidemiya, virus olduğundan daha güclü göstərilərək ölkələrin bir mərkəzdən idarə olunmasına çalışılır:
"Ümumiyyətlə, fikrimcə, ÜST beynəlxalq cinayətkar təşkilatdır. Onun dünya əhalisinə, bəşəriyyətə heç bir faydası yoxdur, ancaq zərəri var. Ölkələrin təşkilata ödədiyi pullar da batmış sayılır, öz zərərlərinə səbəb olur. İndi Tramp siyasi olaraq qlobalistlərə qarşı cəbhədədir və onların əllərində olan beynəlxalq təşkilatların təsirini azaltmağa çalışır. Çünki bu təşkilatlar dövlətlərin mövqeyini yox, qlobal transkorporasiyaların mövqeyini müdafiə edir. Qlobal hegemonluq sistemi, dünya diktaturası qurmağa çalışır. Vahid mərkəzdən bəşəriyyəti və dünya ölkələrini idarə etmək üçün sistemlər qurur. Onlardan da biri də Ümumdünya Səhiyyə Təşkilatıdır. Hesab edirəm ki, belə bir təşkilatın heç bir faydası yoxdur. Digər ölkələr də onun maliyyəsini azaltmalı, ümumiyyətlə dayandırmalıdır. O vaxta qədər ki, düzgün, ədalətli bir beynəlxalq təşkilat qurulsun. Hər hansı bir korporasiyalardan, iri dövlətlərdən asılı olmayan, bütün ölkələrin mövqeyi, alimlərinin iştirakı təmin olunan, obyektiv şəkildə birgə qərar verməsi formasında bir təşkilat yaradılsın. Ancaq o zaman fayda verə bilər və ölkələr orada maliyyə verib iştirak edə bilərlər. İndi isə son dövrlərə nəzər salsaq, Ümümdünya Səhiyyə Təşkilatının dünya ölkələrinə, xalqlarına zərərdən başqa heç bir faydası olmayıb".
Gülşad İbrahimova
17:32 29.11.2024
Oxunuş sayı: 10888
