Sağlamlıq

"Resept olmadan dərman qəbul edirlərsə…" - ŞƏRH

İnsan yaşamı üçün ən vacib amil sağlamlıqdır. İnsanlar çox vaxt bu mövzuda etinazsızlıq edirlər. Bəzən həkimlərin yazdığı dərmanları tapmaq olmur və ya büdcəyə uyğun gəlmir. Bu zaman alternativ dərmanları tapmaq üçün apteklərə üz tuturuq. Alternativ dərmanlar isə həmişə eyni təsiri vermir və xəstədə çox vaxt ümidsizlik yaradır.

Mövzu ilə bağlı tibb üzrə ekspert Aydın Əliyev Crossmedia.az-a açıqlamasında bildirir ki, dərmanların reseptsiz qəbul edilməsi yolverilməzdir:

"Yüngül təsiredici dərmanların reseptsiz qəbulu zərərli olmasa da, müalicə üçün alınan dərmanlar mütləq reseptlə olmalıdır. İnsanlar resept olmadan dərman qəbul edirsə, onda həkimə nə ehtiyac var? Siqaret çəkən insanın müalicəsi belə fərqli olur. Hətta ürək ağrısı üçün reseptsiz alınan dərman başqa orqan üçün zərərli ola bilər".

Ekspert dərman reklamları mövzusuna da toxunub. O bildirib ki, dərmanların reklamı düzgün deyil. Dərman tövsiyyəsini sadəcə həkim verə bilər. Tövsiyə olunur ki, apteklərdə təklif olunan əvəzedici dərmanlar resept təyin edən həkimlə məsləhətləşmədən alınmasın. Qeyd edək ki, bir sıra xarici ölkədə həkim resepti olmadan adi ağrıkəsici dərman da almaq mümkün deyil.

Saida Ramazanovi