İranlı jurnalist: Yüksək vəzifəli məmurların ailələri ölkədən çıxmağa çalışır
Son 24 saat ərzində İran İslam Respublikasında bir sıra yüksək vəzifəli şəxslər, xüsusilə islahatçılar və hökumət rəhbərliyinə yaxın şəxslər ölkəni tərk etmək üçün addımlar atmağa başlayıblar.
Crossmedia.az xəbər verir ki, bunu İran əsilli fransalı jurnalist Emmanuel Rəzəvi televiziya proqramında bildirib.
Rəzəvi “Le Figaro” qəzetinə müsahibəsində qeyd edib ki, bu şəxslər Parisdə fəaliyyət göstərən İran əsilli vəkillər vasitəsilə ailələri üçün Fransa vizası almağa çalışırlar. Onun sözlərinə görə, İran parlamentinin sədri Məhəmmədbaqir Qalibafın ailə üzvləri də viza üçün müraciət edənlər arasındadır.
Jurnalist hazırkı İran hakimiyyətini narkotik və silah qaçaqmalçılığı ilə məşğul olan “mafiya dəstəsi” kimi xarakterizə edib və təxminən 20 yüksək vəzifəli məmurun ailəsinin xarici ölkələrdən sığınacaq almağa cəhd göstərdiyini bildirib.
23:53 08.01.2026
Oxunuş sayı: 1667
