Suriya Silahlı Qüvvələri Hələb şəhərində nəzarəti ələ keçirib
Suriya Silahlı Qüvvələri (SSQ) Hələb şəhərinin Aşrafiyyə rayonu üzərində nəzarəti böyük ölçüdə ələ keçirib.
Crossmedia.az bu barədə xarici mediaya istinadən xəbər verir. Rayon ərazisində Suriya ordusu ilə terrorçu qruplaşma kimi tanınan Suriya Demokratik Qüvvələri (SDQ) arasında şiddətli silahlı toqquşmalar baş verib. Bir neçə saat davam edən döyüşlərdən sonra SSQ-nin bölmələri strateji mövqelərə nəzarəti təmin edib.
Əməliyyat zamanı ağır texnikadan və artilleriya qurğularından istifadə edildiyi bildirilir. Toqquşmalar nəticəsində hər iki tərəfdən itkilərin olduğu, həmçinin mülki infrastruktura ziyan dəydiyi qeyd olunur. Rayon sakinlərinin bir hissəsi təhlükəsizlik səbəbindən ərazini tərk etməyə məcbur qalıb.
Hələlik rəsmi Dəməşq hadisə ilə bağlı geniş açıqlama verməyib.
Sevinc Yarməmmədova
22:25 08.01.2026
Oxunuş sayı: 1606
