Bu gün Azərbaycanda qısa iş günüdür
Bu gün Azərbaycanda qısa iş günüdür.
Crossmedia.az xəbər verir ki, bu, Əmək Məcəlləsinin 108-ci maddəsində öz əksini tapıb.
Belə ki, 31 Dekabr Dünya Azərbaycanlılarının Həmrəyliyi Günü, 1 Yanvar Yeni İl Bayramı Günüdür.
Qanunvericiliyə görə, iş günü hesab edilməyən bayramqabağı günlərdə iş gününün müddəti həftəlik iş günlərinin sayından asılı olmayaraq bir saat qısaldılır.
Məcəlləyə görə, işçiyə iş günü hesab edilməyən bayram günləri görülən işə görə əməkhaqqı ödənilir.
Bundan başqa, istirahət, səsvermə, iş günü hesab edilməyən bayram günləri və ümumxalq hüzn günü işləmiş işçinin arzusu ilə ona əməkhaqqı əvəzinə başqa istirahət günü verilə bilər.
Eyni zamanda, əməkhaqqının verilməsi günü istirahət, səsvermə, ümumxalq hüzn günü və ya iş günü hesab edilməyən bayram günlərinə təsadüf etdikdə, o bilavasitə həmin günlərdən əvvəlki gündə verilir.
Qeyd edək ki, ölkəmizdə 31 dekabr, 1,2,3,4 yanvar tarixləri qeyri-iş günü olacaq.
12:45 30.12.2025
Oxunuş sayı: 6528
