Estoniya kəşfiyyatı: Rusiyanın Baltiklərə və NATO-ya hücum planı yoxdur
Estoniyanın Xarici Kəşfiyyat Xidmətinin baş direktoru Kaupo Rozin bildirib ki, Rusiya hazırda nə Baltik ölkələrinə, nə də ümumilikdə NATO-ya hücum etməyi planlaşdırır.
Crossmedia.az xarici KİV-ə istinadən xəbər verir ki, Rozin ERR-ə müsahibəsində Rusiyanın regionda baş verən müxtəlif insidentlərə verilən reaksiyalar fonunda davranışını dəyişdiyini qeyd edib. Onun sözlərinə görə, hazırkı mərhələdə Rusiya NATO-ya hörmət edir və açıq qarşıdurmalardan yayınmağa çalışır.
Estoniya kəşfiyyatının rəhbəri vurğulayıb ki, mövcud vəziyyət diqqətlə izlənilir və təhlükəsizlik sahəsində ayıqlıq qorunur, lakin indiki mərhələdə birbaşa hərbi təhdid müşahidə olunmur.
Türkan Kərimli
13:54 29.12.2025
Oxunuş sayı: 2668
