Xarici xəbərlər

ABŞ Rumıniyanı yeni hərbi texnika ilə təmin etdi

ABŞ Rumıniyaya 9 ədəd piyada desant amfibiya maşını (AAV) tədarük edib.

Crossmedia.az xəbər verir ki, “ABŞ-nin Rumıniyadakı səfirliyi” bu barədə məlumat yayıb.

Səfirliyin məlumatına görə, Rumıniya hərbçiləri artıq yeni texnikanın idarə edilməsini öyrənməyə başlayıblar. Təlimləri ABŞ Dəniz Piyadaları Korpusunun ekspert-məsləhətçiləri keçir.

ABŞ-nin Rumıniyadakı səfiri Derril Nirenberq 307-ci dəniz piyadaları alayının modernləşdirilmənin mühüm mərhələsinə hazırlığını izləmək üçün Tulça qəzasındakı Babadağ poliqonuna baş çəkib.

AAV7A1 tipli piyada desant amfibiya maşınları 21-dək dəniz piyadasını və hərbi ləvazimatları gəmilərdən sahilə çıxarmaq üçün nəzərdə tutulub.

2023-cü ilin iyulunda Pentaqon ABŞ Dövlət Departamentinin Rumıniyaya 120,5 milyon dollar dəyərində 16 AAV və müvafiq avadanlıqların satışına icazə verdiyini açıqlamışdı.

Mövzular:

ABŞ Rumıniya dəniz piyadaları amfibiya maşınları ABŞ Dəniz Piyadaları Korpusu 1205 milyon dollar texnika

🖨 Çap et

23:45 28.09.2026

Oxunuş sayı: 44