AYB sədrinin yayılan fotosuna aydınlıq gətirildi: Səhhətində heç bir problem yoxdur
Sosial mediada son günlər Azərbaycan Yazıçılar Birliyinin (AYB) sədri, Xalq yazıçısı Anar Rzayevin əlil arabasında çəkilmiş fotoları geniş müzakirələrə səbəb olub. Şəkillərdə üzərində “klinika” yazısı olan arabada oturan 87 yaşlı yazıçının görüntüləri onun sağlamlığında ciddi problemlərin ola biləcəyi iddialarına yol açıb.
Buna cavab olaraq, Anar Rzayev özü mediaya açıqlama verərək “Səhhətində heç bir problem yoxdur, lap yaxşıyam” sözlərini deyib.
Onun müavini Rəşad Məcid isə bildirib ki, bu foto “bir müddət əvvəl ayağı ağrıyanda klinikaya gedərkən” çəkilib və hazırda Anarın enerjisi yüksəkdir, yaxın zamanlarda Yazıçılar Birliyinə də gələcək.
Bu hadisə təkcə şəxsi sağlamlıq məsələsi deyil eyni zamanda ədəbiyyat camiəsi və ictimaiyyət arasında Anarın rəhbərlik rolu və gələcəkdəki fəaliyyəti barədə narahatlıqları da gündəmə gətirib.
Məsələ ilə bağlı AYB-nin mətbuat katibi Xəyal Rza Crossmedia.az-a açıqlama verib.
O, AYB sədrinin vəziyyətinin yaxşı olduğunu və yayəılanların əsassız olduğunu qeyd edib:
"Anar müəllimin səhhətində heç bir problem yoxdur və işə gəlib- gedir. Yayılan fotolardan Türkiyədə, İstanbul hava limanında çəkilib. Orada hava limanı olduqca böyükdür və Anar müəllimi məhz arabada aparıblar. Bir sözlə, Anar müəllimin səhhəti tam normal və qaydasındadır".
Elmir Heydərli
16:34 21.11.2025
Oxunuş sayı: 1492
