Xəzər dənizinin səviyyəsi kəskin düşüb
Qazaxıstan sahilləri boyunca Xəzər dənizinin orta səviyyəsi 2025-ci ilin sentyabrına olan göstəriciyə görə mənfi 29,31 metrədək enib. Son 18 ildə dənizin ümumi səth sahəsi 36 min kvadrat kilometr azalıb.
Bu barədə Crossmedia.az Qazhidrometin məlumatına əsasən xəbər verir.
Xəzərin şimal-şərq hissəsində suyun səviyyəsi mənfi 29,15 metrə, şərq hissəsində isə mənfi 29,46 metrə düşüb. Ötən il ilə müqayisədə şimal-şərqdə 20 sm, şərq hissədə isə 17 sm enmə qeydə alınıb.
Mütəxəssislər bildirirlər ki, Qazaxıstan ərazisində sahil xəttinin geri çəkilməsi bəzi yerlərdə 30–35 kilometrə çatıb. Bu isə Xəzər ekosistemində sürətlə gedən geriləməni təsdiqləyir və uzunmüddətli iqlim və iqtisadi fəsadlarla bağlı narahatlıqları artırır.
Türkanə Məşədiyeva
17:30 16.11.2025
Oxunuş sayı: 1246
