Niaqara şəlaləsi Azərbaycan bayrağının rənglərində işıqlandırılıb
Kanadada fəaliyyət göstərən Azərbaycan Mədəniyyət və İncəsənət Mərkəzinin, Kanada Azərbaycan Evinin və Azərbaycan Respublikasının Kanadadakı səfirliyinin birgə təşəbbüsü ilə Dövlət Bayrağı Günü münasibətilə Niagara şəlaləsi üçrəngli bayrağımızın rənglərində işıqlandırılıb.
Bu barədə Crossmedia.az-a Diasporla İş üzrə Dövlət Komitəsindən məlumat verilib. Qeyd edilib ki, Niagara şəlaləsinin üçrəngli bayrağımızın rənglərində işıqlandırılması həm Azərbaycanın milli rəmzlərinə hörmətin, həm də ölkəmizin beynəlxalq aləmdə nüfuzunun artmasının təzahürü kimi qiymətləndirilir.
Bu cür aksiyaların həyata keçirilməsi diasporumuzun fəallığının bariz nümunəsi, həmrəyliyimizin güclənməsi və
milli kimliyimizə olan sevginin qorunub saxlanılmasıdır.
Niaqara dünyaca məşhur bir təbiət möcüzəsidir, onun Azərbaycan bayrağının rənglərində işıqlandırılması simvolik xarakater daşıyır, eyni zamanda dünya azərbaycanlılarının mənəvi birliyinə təsir edən əhəmiyyətli hadisə hesab olunur.
Qeyd edək ki, Niaqara şəlaləsinin üçrəngli bayrağımızın rənglərində işıqlandırılması son
illər dəfələrlə həyata keçirilən bir aksiyadır.
13:34 10.11.2025
Oxunuş sayı: 1172
