Paşinyan: Ermənistanın Avropa İttifaqına üzvlüyünə dair qanunun qəbulu ambisiyalarımızın göstəricisidir
Ermənistanın Baş naziri Nikol Paşinyan 8-ci Paris Sülh Forumunun “Liderlik qovşağında” adlı panel müzakirəsində çıxış edərkən bildirib ki, Ermənistanın Avropa İttifaqına üzvlük haqqında qanun qəbul etməsi ölkənin Avropa dəyərlərinə sadiqliyinin və inteqrasiya istiqamətindəki ambisiyalarının bariz nümunəsidir.
Crossmedia.az erməni mediasına istinadən xəbər verir.
Paşinyan qeyd edib ki, bu məsələ regionun digər ölkələrinin, xüsusilə Gürcüstanın Avropa perspektivləri ilə də müəyyən mənada bağlıdır: “Bilirsiniz ki, biz Avropa İttifaqına üzvlük haqqında qanunu qəbul etmişik. Bu, bizim istəklərimizin və ambisiyalarımızın aydın göstəricisidir. Bu həm də Gürcüstanın bir il əvvəl Aİ-yə namizəd ölkə statusu alması ilə əlaqədardır. Ermənistan üçün Gürcüstanın Avropa perspektivləri çox önəmlidir”.
O, həmçinin qeyd edib ki, Azərbaycanla imzalanacaq mümkün sülh sazişi iki ölkənin Avropaya inteqrasiyası istiqamətində ilk addım ola bilər, lakin bu barədə danışmağın hələ tez olduğunu bildirib.
Günel Verdiyeva
15:47 30.10.2025
Oxunuş sayı: 1738
