Tbilisidən Bakı və İrəvana: sərhəd prosesi davam edəcək
Gürcüstan Azərbaycan və Ermənistanla dövlət sərhədlərinin delimitasiyası və demarkasiyası üzrə işi davam etdirəcək.
Crossmedia.az xəbər verir ki, Gürcüstanın Baş naziri İrakli Kobaxidze “Imedi” telekanalına müsahibəsində bu barədə danışıb.
Kobaxidze bildirib ki, Tbilisinin həm Azərbaycan, həm də Ermənistanla dostluq münasibətləri var. Onun sözlərinə görə, hər iki ölkə ilə sərhədlərin müəyyənləşdirilməsi istiqamətində işlərin davam etdirilməsi vacibdir.
Baş nazir prosesin bundan sonra da “tamamilə dostluq şəraitində” aparılacağını vurğulayıb. O, Gürcüstanın sərhədlərlə bağlı məsələləri qonşu ölkələrlə danışıqlar yolu ilə həll etmək niyyətində olduğunu qeyd edib.
21:35 04.10.2026
Oxunuş sayı: 50
