İsrail Qəzzada müharibəni bərpa etmək niyyətində deyil – Gideon Saar
İsrailin Qəzza zolağında müharibəni yenidən başlamaq planı yoxdur.
Crossmedia.az saytı xarici mənbələrə əsasən xəbər verir ki,bu barədə yəhudi dövlətinin xarici işlər naziri Gideon Saar Fox News telekanalına müsahibəsində bildirib.
Nazirin sözlərinə görə, münaqişənin nizamlanması üzrə öhdəliklərin bir hissəsi HƏMAS-ın silahsızlaşdırılması olmalıdır. “Bizim müharibəni bərpa etmək kimi heç bir niyyətimiz yoxdur, lakin öhdəliklərin bir hissəsi, məsələn, HƏMAS-ın silahsızlaşdırılması, onların silahı yerə qoymasıdır,” – deyə Saar vurğulayıb.
O qeyd edib ki, atəşkəs hökumət tərəfindən razılaşma təsdiqlənən kimi dərhal qüvvəyə minəcək və bundan sonra 72 saat ərzində HƏMAS bütün girovları azad etməlidir.
“Mən hesab edirəm ki, bu, bu müharibəyə son qoya bilər və qoymalıdır,” – deyə nazir əlavə edib.
19:11 09.10.2025
Oxunuş sayı: 6420
