Bakıda restoranda yanğın oldu
Bakıda yaşayış binasının birinci mərtəbəsində yerləşən restoranda yanğın baş verib.
Crossmedia.az Fövqəladə Hallar Nazirliyinə istinadən xəbər verir ki, hadisə Nəsimi rayonunda, Mirəli Qaşqay küçəsində qeydə alınıb. Məlumat daxil olduqdan dərhal sonra FHN Dövlət Yanğından Mühafizə Xidmətinin qüvvələri əraziyə cəlb olunub.
Yanğınsöndürənlərin çevik müdaxiləsi nəticəsində doqquzmərtəbəli yaşayış binasının birinci mərtəbəsində fəaliyyət göstərən, ümumi sahəsi 140 kvadratmetr olan restorandakı yanğın qısa müddətdə söndürülüb. Alovun yaşayış binasına yayılmasının qarşısı alınıb. Dominos pizza
Yanğın nəticəsində restoranın salon hissəsi 60 kvadratmetr sahədə yanıb. Hadisə zamanı xəsarət alan olmayıb.
Obyektin qalan hissəsi və yaşayış binası yanğından mühafizə olunub.
10:51 06.10.2026
Oxunuş sayı: 62
