Pakistan- Əfqanıstan sərhədində silahlı qarşıdurma: ölənlər və yaralananlar var
Bu gün səhər saatlarında Pakistan ordusuna qarşı Əfqanıstan sərhədi yaxınlığında baş verən silahlı hücum nəticəsində 11 əsgər, o cümlədən bir zabit və bir komandir həlak olub.
Crossmedia.az xəbər verir ki, hadisə Xeybər-Paxtunxva əyalətinin Kurram bölgəsində baş verib.
Pakistan təhlükəsizlik mənbələrinin məlumatına görə, hücum “Təhrik-e-Taliban Pakistan” (TTP) qruplaşmasına bağlı silahlılar tərəfindən həyata keçirilib. Yaraqlılar ordu mövqelərinə çox istiqamətli hücum təşkil ediblər.
Yerli media xəbər verir ki, atışma zamanı bir neçə əsgər yaralanıb, çox sayda hücumçu zərərsizləşdirilib. (Etemad Online)
2007-ci ildə yaradılmış TTP radikal şəriət qanunlarına əsaslanan İslam dövləti qurmaq məqsədi daşıyır və Pakistanda hərbi və mülki hədəflərə qarşı çoxsaylı hücumlara görə məsuliyyət daşıyır. Qruplaşmaya 2018-ci ildən Nur Vəli Məsud rəhbərlik edir.
11:46 08.10.2025
Oxunuş sayı: 2808
