Tramp: Danışıqların növbəti 48 saatı həlledici olacaq
ABŞ prezidenti Donald Tramp hesab edir ki, Qəzza zolağında münaqişənin həlli ilə bağlı danışıqların növbəti 48 saatı həlledici olacaq.
Crossmedia.az xəbər verir ki, bu barədə "Fox News" telekanalı məlumat verib.
Telekanalın müxbirinin canlı efirdə bildirdiyinə görə, ABŞ lideri bu bəyanatı Ağ Evdə keçmiş girov İdan Aleksandr və onun ailəsi ilə görüşü zamanı səsləndirib.
“Prezident Trampın keçmiş amerikalı girov və onun ailəsinə danışıqların növbəti 48 saatının həlledici əhəmiyyət daşıdığını söylədiyi bildirilir,” — deyə jurnalist məlumat verib.
Həmçinin qeyd olunur ki, Misirə yola düşməzdən əvvəl Tramp danışıqlarda iştirak edən nümayəndələri Stiv Uitkoff və Cared Kuşner qarşısında münaqişə tərəfləri arasında razılaşma əldə etmək tapşırığını qoyub.
Səbiyyə Zayirova
11:42 08.10.2025
Oxunuş sayı: 7013
