Paşinyan: Debatı “Yerevan-Kentron”dakı keçmiş kameramda təşkil edə bilərik ki, hamınıza uyğun olsun
“TPL Ermənistanı müharibəyə cəlb etdi və qaçdı. RS Qarabağı müharibəyə cəlb etdi və Ermənistana qaçdı. SK isə daha əvvəl Laçın postunda topladığı manatların ləzzətini çıxarmaq üçün Qarabağdan qaçmışdı”.
Crossmedia.az xəbər verir ki, bu barədə öz “Facebook” səhifəsində Ermənistanın Baş naziri Nikol Paşinyan yazıb.
“Qalib prezidentlər, qalib prezidentlər․ Üçüncü respublikanın tarixini düşünərkən dəhşətlə fərqinə vardım ki, “qalib prezident” adlandırılanlardan heç biri, təsəvvür edirsinizmi, heç biri heç vaxt xalqın etimad səsini almayıb.
Eşidin, əgər siz xalqa qələbə gətirmisinizsə, izah edə bilərsinizmi ki, niyə 1996-cı ildən başlayaraq seçkiləri saxtalaşdırırdınız? Necə ola bilərdi ki, xalq özünə qələbə gətirən liderləri seçməsin? Necə?
Seçmirdi, çünki sizin tərəfinizdən pul verilən guya analitiklərə, “xalq artistlərinə və əməkdar” sənətkarlara rəğmən, Ermənistanı bəsləyən analar və onların arxasında səssiz və düşüncəli dayanan ata-babalar anlayırdılar ki, siz qələbə gətirməmisiniz, əksinə Ermənistanı çıxışı olmayan bir uçuruma sürükləmisiniz.
İndi isə ölürsünüz, görürsünüz ki, bəli, minlərlə qurbanın hesabına o çıxış yolu tapılıb. Sözün əsl mənasında gündə üç dəfə ölürsünüz. Bir dəfə səhər, bir dəfə günortadan sonra və bir dəfə də qaranlıq çökəndə.
İndi isə deyin, debatlara gələcəksinizmi, ya yox? Ktrici, Samonu, Gevorqu, Vazgeni də özünüzlə gətirə bilərsiniz. Debatı “Yerevan-Kentron”dakı keçmiş kameramda təşkil edə bilərik ki, hamınıza uyğun olsun”, - deyə o qeyd edib.
10:35 23.09.2025
Oxunuş sayı: 2722
