Abşeron dairəvi dəmir yolunda qatarlardakı sıxlıq 18 faiz azalıb
Abşeron dairəvi dəmir yolu xətti üzrə yeni qrafikin tətbiqi nəticəsində rekord sayda sərnişin daşınıb.
Crossmedia.az “Azərbaycan Dəmir Yolları” QSC-ə istinadən xəbər verir ki, sentyabrın 15-21 həftəsində Abşeron dairəvi marşrutu üzrə ümumilikdə 231 min 655 sərnişin, o cümlədən 16 sentyabrda 42 min 490 sərnişin səfər edib. Bu, həm həftəlik, həm də günlük rekord göstəricilərdir.
Beləliklə, Sumqayıt-Bakı istiqamətində səfər edən sərnişinlərin sayında gündəlik 10 faizə yaxın artım qeydə alınıb.
Bundan başqa, reys sayının artırılması nəticəsində ötən ilin eyni dövrü ilə müqayisədə qatarlardakı sıxlıq 18 faiz azalıb.
18:52 22.09.2025
Oxunuş sayı: 6664
