İsrail ABŞ-nin təşəbbüsü ilə Qəzza müharibəsinə son verməyə hazırdır
İsrailin xarici işlər naziri Gideon Saar bildirib ki, ölkəsi ABŞ prezidenti Donald Trampın təşəbbüsü əsasında və Təhlükəsizlik Kabinetinin təsdiqlədiyi prinsiplərə uyğun olaraq Qəzza müharibəsinin başa çatmasını istəyir.
Crossmedia.az-ın xəbərinə görə, Saar vurğulayıb ki, İsrail sülhə can atır, lakin dövlətin və vətəndaşların təhlükəsizliyi məsələsində güzəştə gedə bilməz:
“Bazar günü məlum olub ki, Tramp bütün girovların azad edilməsi və müharibənin dayandırılmasına yönəlmiş genişmiqyaslı təklif irəli sürüb. Şərtlərə əsasən, atəşkəsin ilk günündə 48 girov — həm sağ, həm də həlak olmuş şəxslər — geri qaytarılacaq. Əvəzində İsrail Qəzza şəhərinin ələ keçirilməsi üzrə planlaşdırılan əməliyyatı ləğv edəcək. Razılaşma layihəsinə həmçinin minlərlə fələstinli məhbus və saxlanılan şəxsin, o cümlədən ömürlük həbs cəzası çəkənlərin azad olunması daxildir”.
Fidan Xəlilova
21:24 09.09.2025
Oxunuş sayı: 1313
