Bəqayi: Trampın məqsədi İrana basqı göstərmək olub
İran Xarici İşlər Nazirliyinin sözçüsü İsmayıl Bəqayi bu gün mətbuat konfransı keçirib.
Crossmedia.az xəbər verir ki, o, konfrans zamanı ABŞ-nin planının Donald Trampın prezident seçilməsindən etibarən İranın nüvə proqramına və Hərtərəfli Birgə Fəaliyyət Planına (JCPOA) qarşı qeyri-qanuni təzyiq göstərmək olduğunu açıqlayıb.
“ABŞ tərəfindən danışıqlar üçün təklif olunan şərtlər diplomatik ciddi və xoş niyyətin olmadığını açıq göstərir. İran-ABŞ danışıqları ilə eyni vaxtda, sionist rejim ABŞ ilə koordinasiyada İran ərazisinə və onun nüvə obyektlərinə hücumlar həyata keçirib, bu da ABŞ-nin əvvəlcədən xoş niyyətli olmadığını sübut edir”, - deyə, sözçü vurğulayıb.
Bəqayi rəsmi Vaşinqtonun bu addımlarını qondarma və qanunsuz adlandırıb və İranın suveren hüquqlarını müdafiə etməyə davam edəcəyini vurğulayıb.
15:44 02.09.2025
Oxunuş sayı: 4332
