Azərbaycan millisinin baş məşqçisi: "III MDB oyunlarında ən azı iki medal qazana bilərik"
III MDB oyunları çərçivəsində Xankəndidə keçiriləcək
kamandan oxatma üzrə yarışlarda azərbaycanlı idmançılardan ən azı iki medal
gözlənilir.
Crossmedia.az xəbər verir ki, bunu millinin baş məşqçisi
Natiq Fazilov kamandan oxatma üzrə Azərbaycan birinciliyi və çempionatından
sonra jurnalistlərə açıqlamasında deyib.
O, idmançıların uğurlu çıxışına inandığını deyib:
"Bu gözəl bayramı təşkil etdiyinə görə Gənclər və idman
Nazirliyinə və Azərbaycan Kamandan Oxatma Federasiyasına böyük minnətdarlığımı
bildirirəm. Gördüyünüz kimi, uşaqların sayı çoxalıb. Gənclərimiz həddindən
artıq çoxdur. İnanıram ki, bu idman növünün gələcəyi var. İki gündən sonra Cənubi
Koreyada təşkil olunacaq dünya çempionatına gedəcəyik. Ordan uğurla dönəcəyimizə
inanıram. Əsas məqsədimiz bizim sentyabr-oktyabr ayında keçiriləcək III MDB
oyunlarıdır. Bu turnirdə uğurla çıxış edib, ən azı iki medal qazana bilərik".
Qeyd edək ki, kamandan oxatma üzrə Azərbaycan birinciliyi və
çempionatında ölkənin müxəlif bölgələrini təmsil edən 60-dan çox peşəkar
idmançı çempionluq uğrunda mübarizə aparıb.
17:51 30.08.2025
Oxunuş sayı: 963
