Arne Slot: "Liverpul" üçün "Qarabağ"la qarşılaşmaq xoş olacaq"
"Liverpul" üçün "Qarabağ"la qarşılaşmaq xoş olacaq".
Crossmedia.az xəbər verir ki, bunu "Liverpul" komandasının baş məşqçisi Arne Slot söyləyib.
Niderlandlı mütəxəssis klubun rəsmi saytına açıqlamasında çətin
rəqiblərlə üz-üzə gələcəklərini bildirib:
"Ötən il olduğu kimi, bu mövsüm də güclü rəqiblərlə
oynayacağıq. Ümumiyyətlə, Çempionlar Liqasının yeni formatında asan püşk olmur.
Niderlandda PSV-yə qarşı çıxış etmək xoş olacaq. Eyni sözləri Türkiyənin
"Qalatasaray" və Azərbaycanın "Qarabağ" klubları üçün də
söyləmək olar. Hər üç komanda ölkələrinin çempionlarıdır. Yenə də bildirmək istəyirəm
ki, bütün görüşlər çətin keçəcək".
Qeyd edək ki, "Liverpul" Çempionlar Liqasının Liqa
mərhələsində "Real" (İspaniya), "İnter" (İtaliya),
"Atletiko" (İspaniya), "Ayntraxt" (Frankfurt, Almaniya),
PSV (Niderland), "Marsel" (Fransa), "Qarabağ" və
"Qalatasaray"la (Türkiyə) qarşılaşacaq.
23:00 28.08.2025
Oxunuş sayı: 1002
