Tramp Soros və oğluna qarşı sərt danışdı
ABŞ Prezidenti Donald Tramp sərt bəyanatla çıxış edərək, milyarder Corc Soros və onun “sol radikal” adlandırdığı oğlunun ölkə boyu zorakı etirazlara dəstəyinə görə RICO qanunu əsasında məsuliyyətə cəlb olunmasını tələb edib.
Crossmedia.az xəbər verir ki, bu barədə ABŞ prezidenti Donald Tramp
Truth Social platformasında deyib.
Trampın sözlərinə görə, Soros və onun radikal qrupları ölkəyə ciddi ziyan vurur, cəmiyyəti parçalayır və azadlıqla birliyin bərpasına mane olur. Prezident həmçinin vurğulayıb ki, “dəli” adlandırdığı qüvvələrin, o cümlədən Qərb Sahilindəki Soros tərəfdarlarının vəziyyəti daha da gərginləşdirməsinə imkan verməyəcək.
“Diqqətli olun, biz sizi izləyirik”, — Tramp Truth Social platformasında xəbərdarlıq edib.
Qeyd edək ki, RICO qanunu (Racketeer Influenced and Corrupt Organizations Act) 1970-ci ildə qəbul olunub. O, mütəmadi şəkildə cinayət fəaliyyətində iştirak edən şəxslərin və təşkilatların məsuliyyətə cəlb olunmasına imkan verir. Əvvəlcə mafiya ilə mübarizə üçün nəzərdə tutulsa da, sonradan təşkilatlanmış digər cinayət formalarına da tətbiq olunmağa başlanıb.
Xumar Emilqızı
17:38 27.08.2025
Oxunuş sayı: 5540
