BMT Qəzzada qadın və qız uşaqları arasında itkilərin miqyasını açıqlayıb
BMT-nin məlumatına görə, 2023-cü ilin oktyabrından bəri Qəzza zolağında təxminən 50 min qadın və qız uşağı öldürülüb və ya ağır yaralanıb. Onlardan 38 mindən çoxu həyatını itirib, 11 700 nəfər isə ömürlük əlilliyə səbəb olan ağır xəsarətlər alıb.
Crossmedia.az xəbər verir ki, BMT-nin Cenevrə Ofisinin həftəlik mətbuat konfransında çıxış edən Calltorp İsrailin hücumları və blokadası altında olan Qəzzadakı vəziyyəti şərh edib.
O bildirib ki, bölgədəki humanitar fəlakətin miqyasını qadınların və qız uşaqlarının üzləşdiyi itkilərdən də görmək mümkündür.
Calltorpun sözlərinə görə, ölən və ağır yaralananların sayı Qəzzadakı hər 21 qadın və qız uşağından birinə bərabərdir.
O, itkilərin böyük hissəsinin hücumların ilk iki ilində baş verdiyini xatırladıb. Bildirilib ki, 2025-ci ilin oktyabrında qüvvəyə minən atəşkəs razılaşmasına baxmayaraq, qadınlar və qız uşaqları hələ də öldürülür və yaralanırlar.
Calltorp atəşkəsin qüvvəyə mindiyi 2025-ci ilin oktyabrından bəri Qəzzada 277 qadın və qız uşağının həyatını itirdiyini qeyd edib.
O vurğulayıb ki, hər bir rəqəmin arxasında arzuları və məqsədləri olan bir insan, ana, qız övladı, həyat yoldaşı, dost, ailəsinə və cəmiyyətinə töhfə verən bir qadın dayanır.
00:30 10.10.2026
Oxunuş sayı: 53
