UEFA Serbiya millisinin azarkeşlərinin irqçi davranışına görə cəza verib
UEFA Serbiya milli komandasını azarkeşlərinin irqçi davranışlarına görə 129,5 min avro cərimələyib və komandanın səfər oyunlarından birinə bilet satışını şərti olaraq qadağan edib.
Crossmedia.az xəbər verir ki, bu barədə Serbiya Futbol Federasiyası “X” sosial şəbəkəsində məlumat yayıb.
Qərar Serbiya millisinin Yunanıstan və Niderland yığmaları ilə oyunlarının nəticələrinə əsasən verilib. Komandanın yaxın səfər matçlarından birinə bilet satışına qoyulan şərti qadağanın sınaq müddəti iki il müəyyən edilib.
Bununla belə, noyabrın 13-də Almaniya millisinə qarşı keçiriləcək növbəti oyunda uşaqların və qonaq azarkeşlərin stadionda iştirakına icazə veriləcək.
Serbiya millisi Millətlər Liqasının A Liqasının ikinci qrupunda çıxış edir. Komanda indiyədək keçirdiyi dörd oyunun hamısında məğlub olub. Serblər Niderlanda iki dəfə 1:2 hesabı ilə uduzub, Almaniyaya 0:2, Yunanıstana isə 1:2 hesabı ilə məğlub olublar.
Qeyd edək ki, bundan əvvəl Türkiyə millisində baş məşqçi dəyişikliyi baş verib. 2023-cü ildən komandaya rəhbərlik edən italiyalı Vinçenso Montella vəzifəsindən ayrılıb.
23:52 09.10.2026
Oxunuş sayı: 69
