Səkkiz ölkə ABŞ-nin Beynəlxalq Cinayət Məhkəməsinə təzyiq planına qarşı çıxıb
Avropanın bir sıra ölkələri, Kanada və Yaponiya ABŞ-nin Beynəlxalq Cinayət Məhkəməsinə qarşı sanksiyalar tətbiq etmək planına etiraz edərək quruma dəstək ifadə ediblər.
Crossmedia.az xəbər verir ki, “Reuters” agentliyi bu barədə məlumat yayıb.
Kanada, Danimarka, Almaniya, Fransa, İtaliya, Yaponiya, Niderland və Böyük Britaniyanın xarici işlər nazirləri birgə bəyanatlarında bildiriblər ki, sanksiyaların qüvvəyə minməsi məhkəmənin fəaliyyətinə, onun işinə sadiq əməkdaşlarına və onların ailələrinə ciddi təsir göstərə bilər.
Qeyd edək ki, ABŞ daha əvvəl Beynəlxalq Cinayət Məhkəməsinə qarşı sanksiyalar tətbiq edib. Məhkəmənin prokuror müavini Nazhat Şamim Xan Vaşinqtonun bu addımını pisləyərək məhdudiyyətlərin qurumun fəaliyyətini dayandırmayacağını bildirib.
Məlumata görə, sanksiyalar Beynəlxalq Cinayət Məhkəməsinin keçmiş hakimlərindən birinin Nobel Sülh Mükafatı almasından bir neçə saat sonra tətbiq edilib.
Rusiya Xarici İşlər Nazirliyinin rəsmi nümayəndəsi Mariya Zaxarova isə mayın 26-da Beynəlxalq Cinayət Məhkəməsini “kvazi-birlik” və “saxta məhkəmə” adlandırıb. O, dünya əhalisinin əksəriyyətinin qurumun yurisdiksiyasından kənarda qaldığını bildirib.
Zaxarova həmçinin məhkəməni qərəzli yanaşmada ittiham edib. Onun iddiasına görə, NATO ölkələrinin Əfqanıstan, İraq, İran, Liviya və Karib hövzəsində törətdiyi iddia olunan əməllər məhkəmə tərəfindən lazımi şəkildə araşdırılmayıb və bu işlər üzrə qərarlar çıxarılmayıb.
20:51 09.10.2026
Oxunuş sayı: 70
