Bizim heç bir üçüncü ölkə qarşısında konstitusiyamızı dəyişmək öhdəliyimiz yoxdur - Mirzoyan
“Konstitusiya məsələsi Vaşinqtonda müzakirə olunmayıb”.
Crossmedia.az xəbər verir ki, bunu Ermənistanın İctimai Televiziyasına verdiyi müsahibədə ölkənin xarici işlər naziri Ararat Mirzoyan deyib.
“Bizim heç bir üçüncü ölkə qarşısında konstitusiyamızı dəyişmək öhdəliyimiz yoxdur”, - deyə Mirzoyan bildirib.
Qeyd edək ki, bu açıqlama Vaşinqtonda əldə edilmiş razılaşmanın əsas mahiyyətinə və ruhuna ziddir. Çünki həmin razılaşmanın mühüm tərkib hissələrindən biri Ermənistanın daxili qanunvericiliyini və xüsusilə də konstitusiya müddəalarını regionda davamlı sülhün təmin olunmasına uyğunlaşdırmaq öhdəliyidir. Ermənistan rəhbərliyinin bu öhdəliyi açıq şəkildə inkar etməsi Vaşinqton razılaşmasının icrasına sadiqliklə bağlı ciddi suallar yaradır və prosesin etibarlılığına kölgə salır.
17:35 27.08.2025
Oxunuş sayı: 1071
