ABŞ-də Ukrayna və amerikalı rəsmilər arasında təhlükəsizlik zəmanətləri müzakirə olunacaq
Ukrayna Prezident Administrasiyasının rəhbəri Andrey Yermak və Milli Təhlükəsizlik və Müdafiə Şurasının katibi Rustem Umerov avqustun sonunda ABŞ-də səfərdə olacaqlar.
Crossmedia.az xəbər verir ki, bu barədə Bloomberg agentliyi məlumat yayıb.
Onların ABŞ prezidentinin xüsusi nümayəndəsi Stiv Uitkoff ilə görüşü planlaşdırılır.
Məlumata görə, görüşün əsas mövzusu Ukraynaya təhlükəsizlik zəmanətləri məsələsi olacaq. Həmçinin tərəflərin Rusiya prezidenti Vladimir Putin ilə Ukrayna lideri Vladimir Zelenski arasında mümkün görüş perspektivini də müzakirə edə biləcəkləri bildirilir.
Qeyd edək ki, bu danışıqlar Ukraynanın müttəfiqləri arasında müharibədən ağır zərər görmüş ölkəyə təhlükəsizlik təminatlarının verilməsi ilə bağlı müzakirələrin intensivləşdiyi dövrdə keçiriləcək.
Xumar Emilqızı
17:22 27.08.2025
Oxunuş sayı: 6844
