Qo Cziakuyn: “ABŞ və Rusiya ilə nüvə danışıqlarına qoşulmağımız qeyri-realdır”
Çin Xarici İşlər Nazirliyinin nümayəndəsi Qo Cziakuyn bəyan edib ki, Pekindən ABŞ və Rusiya arasında nüvə silahlarının məhdudlaşdırılması üzrə danışıqlara qoşulmağı tələb etmək “ağlabatan və real deyil”.
Crossmedia.az xarici mətbuata istinadən xəbər verir ki, onun sözlərinə görə, Çinin nüvə potensialı ABŞ və Rusiya ilə müqayisə oluna bilməz:
“Çindən bu prosesə qoşulmağı istəmək mənasız və qeyri-realdır”, – deyə Qo Cziakuyn bildirib.
O vurğulayıb ki, Çin nüvə silahından ilk istifadə etməmək siyasətinə sadiqdir, yalnız milli təhlükəsizliyi təmin etmək üçün minimum nüvə gücünə malikdir və silahlanma yarışında iştirak etmir.
Rəsmi Pekin hesab edir ki, dünyada ən böyük nüvə arsenalına sahib ölkələr – ABŞ və Rusiya – öz öhdəliklərini yerinə yetirərək nüvə silahlarının azaldılmasına başlamalıdır.
Pərvin Hacıyeva
17:20 27.08.2025
Oxunuş sayı: 5640
