Kreml Trampın Ukrayna üzrə təşəbbüslərini yüksək qiymətləndirir
Rusiya Prezidentinin mətbuat katibi Dmitri Peskov brifinqdə ABŞ və Rusiya prezidentlərinin Alyaskada baş tutan görüşünü dəyərləndirib.
Crossmedia.az xəbər verir ki, bu barədə xarici KİV yazıb.
Onun sözlərinə görə, danışıqlar "səmərəli və konstruktiv" xarakter daşıyıb və Kremlin bu görüşün nəticələrini yüksək qiymətləndirdiyini bildirib.
Peskov qeyd edib ki, Moskva ABŞ prezidenti Donald Trampın Ukrayna münaqişəsinin həlli istiqamətində göstərdiyi sülhməramlı səyləri yüksək dəyərləndirir və onların davam edəcəyinə ümid edir:
"Trampın təşəbbüsləri vacibdir və həqiqətən də Ukraynadakı mürəkkəb münaqişənin həllinə kömək edə bilər".
Mətbuat katibi vurğulayıb ki, təhlükəsizlik zəmanətləri məsələsi Ukrayna üzrə nizamlanmada ən mühüm mövzulardan biridir, lakin bu barədə ictimai müzakirələrin ümumi nəticəliliyə zərər vura biləcəyini bildirib.
Peskov həmçinin qeyd edib ki, Rusiya münaqişənin siyasi-diplomatik yollarla həllinə sadiq qalır, lakin bunun üçün Ukrayna tərəfindən də qarşılıqlı addımların atılması vacibdir. O, əlavə edib ki, yüksək və ya ali səviyyədə təmaslar yalnız yaxşı hazırlandığı təqdirdə real nəticə verə bilər.
Xumar Emilqızı
17:08 27.08.2025
Oxunuş sayı: 4714
