Sankt-Peterburqda Azərbaycan konsulluğu qarşısında təxribat törədən şəxslər saxlanıldı
Radikal “Başqa Rusiya E. V. Limonovun” qruplaşmasının üzvləri Sankt-Peterburqda Azərbaycan konsulluğu önündə təxribat xarakterli aksiya keçirməyə cəhd ediblər. Polis üç iştirakçını dərhal saxlayaraq aksiyanı dayandırıb.
Crossmedia.az xəbər verir ki, marginal “Başqa Rusiya E. V. Limonovun” qruplaşmasının fəalları Sankt-Peterburqda Azərbaycanın konsulluğu qarşısında növbəti nümayişkaranə aksiyanı keçirməyə cəhd ediblər. Məqsəd isə Ukraynanın Rusiya təcavüzünə qarşı ədalətli mübarizəsində Bakının dəstəyini gözdən salmaq olub.
Gözlənildiyi kimi, “birbaşa fəaliyyət aksiyası” tez və biabırçı şəkildə başa çatıb. Polis üç iştirakçını — Qleb Yejovu, Danila Şmalkonu və İvan Qubini saxlayıb.
Bənövşə Zahidli
15:36 27.08.2025
Oxunuş sayı: 4428
