Rafael Qrossi gücləndirilmiş mühafizəyə alındı – İrandan təhdid iddiası
Avstriya hakimiyyəti Beynəlxalq Atom Enerjisi Agentliyinin baş direktoru Rafael Qrossinin təhlükəsizliyini artırıb. Bu addım, onun ünvanına “İranla əlaqəli şəxslərdən” təhdidlər olduğuna dair kəşfiyyat məlumatlarından sonra atılıb.
Crossmedia.az xəbər verir ki, Avstriya hakimiyyəti Beynəlxalq Atom Enerjisi Agentliyinin (MAQATE) baş direktoru Rafael Qrossiyə qarşı “İranla əlaqəli şəxslərin” təhdidlərinin mövcudluğunu göstərən kəşfiyyat məlumatlarına malikdir.
Qrossiyə qarşı təhdid barədə üçüncü bir tərəfdən məlumat aldıqdan sonra Avstriya hakimiyyəti onun 24 saat gücləndirilmiş mühafizə altına alınmasına qərar verib.
Bənövşə Zahidli
13:39 27.08.2025
Oxunuş sayı: 6165
