Trampın zənglərinə Modi cavab verməyib
Son həftələrdə Donald Tramp Hindistanın Baş naziri Narendra Modi ilə telefon əlaqəsi yaratmaq üçün dörd dəfə cəhd göstərsə də, Modi zənglərə cavab verməyib.
Crossmedia.az xəbər verir ki, bu barədə Almaniyanın Frankfurter Allgemeine Zeitung qəzeti məlumat yayıb.
Xatırladaq ki, ABŞ prezidenti Hindistana 25 faiz tarif tətbiq edərək ölkəni “ölü iqtisadiyyat” adlandırmışdı. Qəzet yazır ki, Modi bu bəyanatlardan özünü təhqir olunmuş hesab edib. Onun Trampın zənglərinə cavab verməməsi də Hindistan rəhbərinin bu məsələyə nə dərəcədə həssas yanaşdığını göstərir.
Məqalədə həmçinin bildirilir ki, Trampın Pakistana münasibətdə verdiyi açıqlamalar Hindistanda onun imicinə ciddi təsir göstərib və rəsmi Dehlinin Vaşinqtona baxışını dəyişib.
Xumar Emilqızı
17:05 26.08.2025
Oxunuş sayı: 669
