Macarıstan Ukraynaya elektrik ixracını dayandırmaq niyyətində deyil
Macarıstan Ukraynanın “Drujba” neft kəmərinə hücumlarına baxmayaraq bu ölkəyə elektrik tədarükünü dayandırmaq fikrində deyil. Budapeşt Ukrayna xalqına zərər vurmaq istəmir.
Crossmedia.az xəbər verir ki, bu sözləri xarici işlər və ticarət naziri Peter Siyyarto “Hour of Fighters” adlı “YouTube” proqramında deyib.
Nazirin sözlərinə görə, Macarıstan Ukraynanın idxal etdiyi elektrik enerjisinin 30-40 faizini təmin edir:
“Hökumət qonşu ölkə üçün ciddi problemlər yarada bilərdi, amma biz Ukrayna xalqına və ailələrinə zərər istəmirik. Biz bundan uca mövqedəyik”, – Siyyarto bildirib.
O əlavə edib ki, “ukraynalılar bunu növbəti dəfə “Drujba” neft kəmərini bombalamaq barədə qərar verəndə xatırlamalıdırlar”.
Nihat Tahirov
15:34 26.08.2025
Oxunuş sayı: 4955
